Verseश्लोकः

Expand all

1सम्यग्विचारतः सिद्धा रज्जुतत्वावधारणा ।

2भ्रान्त्योदित-महासर्प-भवदुःखविनाशिनी ॥१२॥

Śloka 11All ŚlokasŚloka 13

Commentaryव्याख्या

Expand all

1विचारस्य वस्तुपलब्धिहेतुत्वं दृष्टान्तेन विशदयति सम्यगिति ।

2मन्दांधकारे पतितां रज्जुं सर्पं मन्वानः पुरुषः बिभेति दीपानयनेन सम्यग्विचार्य वस्तुतत्त्वं बुद्ध्वा भयकम्पादि-दुःखं जहातीति प्रसिद्धम् ।

3तत्र रज्वां भ्रान्त्या उदितः यो महासर्पः, तद्भवं तत्प्रत्ययजन्यं यद्दुःखं, तद्विनाशिनी सम्यग्विचाररज्ज्वा रज्जुतत्वावधृतिः ब्रह्मसाक्षात्कारः इति सविचे प्रकृतोपयोग्यं दृष्टान्तः ॥१२॥

Śloka 11All ŚlokasŚloka 13