Śloka 131All ŚlokasŚloka 133

Commentaryव्याख्या

Expand all

1दृश्यस्य द्रष्टृधर्मत्वाभावात् अहंकारादि-देहान्ताः पञ्चकोशाः ।

2विषयाः शब्दादयः, सुखादयः तत्प्रयोज्याश्च ।

3नित्यबोधस्वरूपिणा स्वत-स्सिद्ध-ज्ञानस्वरूपेण येन घटवत् घट इव वेद्यन्ते ज्ञायन्ते ।

4स आत्मेत्यन्वयः ।

5तेन सुखादीनां दृश्यत्वात् द्रष्टृधर्मत्वं नास्तीत्यसंगत्वमुक्तमात्मनः ।

6अहंकारादि-देहान्तानां पञ्चानां कोशानां वेद्यत्वकथनेन सूत्रस्थानीय-प्रथम-श्लोकोक्तं पञ्चकोशविलक्षणत्वं संग्रहेण कथितम् ।

7इदमुत्तरत्र स्पष्टीयिष्यते "देहोऽयमञ्चभवन्" इत्यादिना ॥

8"सर्वाणि रूपाणि विचित्य धीरः, नामानि कृत्वाभिवदन् यदास्ते" इत्यादिश्रुत्यनुसारेण

9"अवस्थितेरिति काशकृत्स्नः" इति सूत्रानुसारेण च परमात्मन एव जीवभावेनावतिष्ठमात्रत्वात् शोधितत्वंपदार्थत्वेन आत्मानमभिधाय

10तत्पदार्थेन "अनश्नन्नयो अभिचाकशीति" इत्यादि-श्रुत्यभिप्रेतमर्थमाह । अत्रैवेत्यादिना ।

Śloka 131All ŚlokasŚloka 133