Verseश्लोकः

Expand all

1शिष्य उवाच ।

2भ्रमेणाप्यन्यथावास्तु जीवभावः परात्मनः ।

3तदुपाधेरनादित्वात् नानादेनाश इष्यते ॥१९४॥

Śloka 193All ŚlokasŚloka 195

Commentaryव्याख्या

Expand all

1परात्मनः असंसारितया सर्वोत्कृष्टस्य परमात्मनः जीवभावः जीवत्वं भ्रमेण वा भ्रान्त्या वा अन्यथापि वा वस्तुतो वा अस्तु

2तदुपाधेः विज्ञानमयकोशस्य "अनादिकालोयमहंस्वभावः जीव" इत्युक्ततया अनादित्वात्

3आत्मन इव अनादेः कस्यापि नाशः न संभवति

4अतः विज्ञानमयप्रयोजकोपाधेरनादित्वात् नाश-संभवाच्च अस्य परात्मनः जीवभावोपि नित्यो भवति न नश्यति

5संसृतिः जीवभावनित्यत्वे नित्यते न निवर्तेत नैव नश्येत्

6तत् तस्मात् मोक्षः कथं मे मम संसारनिवृत्तिः कथं श्रीगुरो वद उपदिश ॥१९४॥

Śloka 193All ŚlokasŚloka 195