Verseश्लोकः

Expand all

1उपाधिसंबन्धवशात्परात्माप्यु-

2पाधिधर्मानभिभाति तद्गुणः ।

3अयोविकारानविकारिवह्निवत्

4सदैकरूपोपि परःस्वभावात् ॥१९३॥

Śloka 192All ŚlokasŚloka 194

Commentaryव्याख्या

Expand all

1अयोविकारान् अयसः विकाराः अयोविकाराः दीर्घत्व-वर्तुलत्वादयः तान् अविकारिवह्निवत्

2वस्तुतः तादुषधर्मशून्य-वह्निरिव अयसि दीर्घे दीर्घो वह्निरिति वर्तुले वर्तुल इति भ्राम्यन्ति लोके ।

3तथा परात्मापि उपाधिसंबन्धात् परात्मापि तथा उपाधिस्वप्रकाश्येनापि अविद्यया कल्पितः यः तादात्म्यरूपसंबन्धः तद्वशात्

4उपाधिधर्मानानुभवन् "ध्यायतीव लेलायतीव" इतिश्रुतेः बुद्धौ ध्यायन्त्यां ध्यायतीव लेलायन्त्यां चलतीव इत्यर्थः श्रुतेः अनुसृत्य

5तद्गुणः तद् उपाधिधर्मानानुभवन् अभाति अहं करोमि सुखी दुःखीत्यादिप्रकारेण ।

6वस्तुतः सदा स्वभावात् स्वकीय-सच्चिदानन्दस्वरूपात् परः सर्वोपाधिशून्यः निर्गुणब्रह्म-मुक्तः स्वभावः प्रकृतिः यस्य एकरूपोपि विकारशून्योपि ।

7प्रकाशके वह्नौ दृष्टान्ते परात्मनि च दाष्टान्तिके सर्वप्रकाशके विकारशून्यत्वेन एकरूपत्वं समानम् ॥१९३॥

Śloka 192All ŚlokasŚloka 194