Verseश्लोकः

Expand all

1यः पश्यति स्वयं सर्वं यं न पश्यति किंचन ।

2यश्चेतयति बुध्यादि न तद्यं चेतयत्ययम् ॥१२९॥

Śloka 128All ŚlokasŚloka 130

Commentaryव्याख्या

Expand all

1यः पश्यति स्वयं सर्वं "नान्योऽतोऽस्ति द्रष्टा" इति श्रुतेः ।

2यं न पश्यति किंचन "न तत्र चक्षुर्गच्छति न तद्वाग्गच्छति नो मनः" "न चक्षुषा गृह्यते नापि वाचा नान्यैर्देवैः" "नैव वाचा न मनसा प्राप्तुं शक्यो न चक्षुषा" इत्यादिश्रुतिभ्यः ।

3यः बुध्यादि जडं चेतयति स्वप्रतिफलनेन चेतनवत्करोति ।

4तत् बुध्यादि यं न चेतयति स्वतः चेतनत्वात् ।

5जडं हि स्वकार्यार्थं चेतनमपेक्षते न चेतनस्य पराकांक्षा ।

6अयमात्मा इत्यन्वयः ॥१२९॥

Śloka 128All ŚlokasŚloka 130