Verseश्लोकः

Expand all

1नास्त्रैनं शस्त्रैरनिलेन विह्ना छेतुं न शक्यो नच कर्मकोटिभिः ।

2विवेकविज्ञान-महासिना विना धातुः प्रसादेन शितेन मञ्जुना ॥ १४९॥

Śloka 148All ŚlokasŚloka 150

Commentaryव्याख्या

Expand all

1अयं बन्धः धातुः प्रसादेन परमेश्वरानुग्रहेण शितेन निशितेन तीक्ष्णेन बूढेनेति यावत्

2"यमेवैष वृणुते तेन लभ्य" इति श्रुतेः ।

3मञ्जुना रमणीयेन, विवेकविज्ञानमहासिना विवेकात् आत्मानात्मविवेचनात् जातं यद्विज्ञानं ब्रह्मसाक्षात्कारः स एव महाँस्तासो असिश्च खड्गः तेन विना ।

4अस्त्रैः आग्नेयादिभिः न छेत्तुं नाशयितुं शक्यः

5शस्त्रैः लोहमयैः वाणादिभिः न छेत्तुं नाशयितुं शक्यः ।

6एवं अनिलेन वायुना न छेत्तुं नाशयितुं शक्यः ।

7विह्ना अग्निना न दग्धुं शक्यः ।

8न च कर्मकोटिभिः वेदोक्तरैरपि कर्मणां कोटयः तैरपि न नाशयितुं शक्यः ।

9अज्ञानमूलकत्वात् ज्ञानैकनिवर्त्ये इति भावः ।

10तथाच अस्य बंधस्य विमोक्षः ईश्वरप्रसादजित-परमात्माभेद-साक्षात्काराद्ित्युक्तम् कथं विमोक्ष इत्यस्य प्रश्नस्य उत्तरम् ॥ १४९॥

Śloka 148All ŚlokasŚloka 150