Verseश्लोकः

Expand all

1अनात्मबुद्धिं त्यज मूढबुद्धे त्वङ्मांसमेदोऽस्थिपुरीषराशौ ।

2सर्वात्मनि ब्रह्मणि निर्विकल्पे कुरुष शान्तिं परमां भजस्व ॥१६३॥

Śloka 162All ŚlokasŚloka 164

Commentaryव्याख्या

Expand all

1मूढबुद्धे — विवेकरहितान्तःकरण

2यद्वा मूढे बुद्धे अहंतया ज्ञाते

3अत्र त्वङ्मांसमेदोऽस्थिपुरीषराशौ स्थूलदेहे आत्मबुद्धिं अहमिति मतिं त्यज विसृज

4"इदं सर्वं यदयमात्मा" "सर्वं खल्विदं ब्रह्म" इतिश्रुत्या सर्वोपादानत्वेन कल्पितसकलाधिष्ठानत्वेन

5सर्वस्य वस्तुनः वास्तविकरूपे निर्विकल्पे विविधकल्पनाशून्ये ब्रह्मणि परमात्मनि

6इदानीं देहे वर्तमानां आत्मबुद्धिं अहमिति कुरुष्व परं ब्रह्मेति जानीहि

7तत्कारणात् परमां मुक्तिसुखवदां शान्तिं बुद्ध्युपशान्तिं ब्रह्मसंस्थिमिति यावत् भजस्व प्राप्नुहि

8शान्तिं निर्वाणपरमांसंस्थामधिगच्छतीति स्मृतेः ॥१६३॥

Śloka 162All ŚlokasŚloka 164