Verseश्लोकः

Expand all

1मोक्षैकसक्त्या विषयेषु रागं निर्मूल्य संन्यस्य च सर्वकर्म ।

2सच्छ्रद्धया यच्छ्रवणादिनिष्ठो रजस्स्वभावं स धुनोति बुद्धेः ॥१८४॥

Śloka 183All ŚlokasŚloka 185

Commentaryव्याख्या

Expand all

1मोक्षे एकस्मिन् सक्तिः आसक्तिः तीव्रमुमुक्षा तया,

2विषयेषु देहादिषु रागं सुखजनकत्वभ्रान्त्या आसक्तिं निर्मूल्य अहंतानिरसनेन परित्यज्य,

3सर्वकर्म निःकामकर्मिणि नित्यनैमित्तिकानि च, संन्यस्य स्वरूपतोऽपि परित्यज्य ।

4सच्छ्रद्धया सति कालत्रयाबाध्ये ब्रह्मणि या श्रद्धा, सती अचंचला वा याश्रद्धा गुरुवेदान्तवाक्यविश्वासः तया

5यः पुमान् श्रवणादिनिष्ठः श्रवणं आदि यतोः मनननिदिध्यासनयोः तेषु श्रवणादिषु निष्ठा नितरां स्थितिः यस्य सः

6सः पुरुषः बुद्धेः रजस्स्वभावं रजसः स्वभावः विक्षेपः तं धुनोति चालयति नितरां नाशयतीति यावत् ।

7देहादिषु रागसत्वे कर्म करोति कर्मसत्वे विक्षेपः ।

8रागिनर्मूलनेन सर्वं कर्मत्यक्त्वा श्रवणादिभिः अन्तिष्ठस्य श्रद्धालोः बुद्धिविक्षेपस्य नैवावसरः ।

9अतो विरक्तेन संन्यासिना श्रवणादिकं श्रद्धया बुद्धिदोषनिवृत्तये कार्यमित्युक्तं भवति ॥१८४॥

Śloka 183All ŚlokasŚloka 185