Verseश्लोकः

Expand all

1सत्यं यदि स्याज्जगदेतदात्मनो

2नंतत्वहानि-निगमा-प्रमाणता ।

3असत्यवादित्वमपीशितुः स्यात्

4नैतत्त्रयं साधु हितं महात्मनाम् ॥२३४॥

Śloka 233All ŚlokasŚloka 235

Commentaryव्याख्या

Expand all

1एतत् जगत् परिदृश्यमानं विश्वं यदि सत्यं अकल्पितं स्यात्

2आत्मनो नंतत्वहानिः अन्योन्याभावाप्रतियोगित्वरूप-वस्तुपरिच्छेदशून्यत्वं न स्यात् अकल्पितेन जगता वस्तुभूतेन परिच्छिद्यमानत्वात् ।

3हीयतामनन्तत्वमिति चेत् निगमाप्रमाणता स्यात् "सत्यं ज्ञानमनंतं ब्रह्मोति" वेदस्य बाधितार्थ-बोधकता स्यात् ।

4इष्टापत्तिरित्येवेत् ईशितुरिपि परमात्मस्य सर्वेश्वरस्य असत्यवादित्वं अयथार्थवक्तृत्वं स्यात्

5तदपि भवति चेत् भवतु महात्मनां

6अत एवंकारयोरपि देशेन परिच्छिन्न-पञ्चकोशात्मबुद्धिं त्यक्त्वा कृतब्रह्मसाक्षात्करतया अखण्डाकारवृत्तिमदन्तःकरणानां वा तेषां

7नैतत्त्रयं साधु हितं मोमनस्करं सम्मतमित्यर्थः ।

8स्वानुभविरोधात् ॥२३४॥

Śloka 233All ŚlokasŚloka 235