Verseश्लोकः

Expand all

1उक्तसाधनसंपन्नः तत्त्वजिज्ञासुरात्मनः ।

2उपसीदेद्गुरुं प्राज्ञं यस्माद्धन्धविमोक्षणम् ॥३३॥

Śloka 32All ŚlokasŚloka 34

Commentaryव्याख्या

Expand all

1उक्तसाधनसंपन्नः उक्तानि विचारसाधनत्वेन कथितानि यानि विवेकादीनि साधनानि तैः संपन्नः युक्तः, पुमानिति शेषः।

2आत्मनः स्वस्य तत्त्वं ज्ञातुमिच्छुः स्वयाथात्म्यज्ञानकामः उपसीदेत् शरणं गच्छेत्, कं ? गुरुमुपदेशकम्।

3कीदृशम् ? प्राज्ञं, प्रकृष्टं निरतिशया ज्ञा अवगतिः प्रज्ञा ब्रह्मसाक्षात्कारः "ब्रह्मात्मनोश्चोधितयो-रेकभावावगाहिनी। निर्विकल्पा च चिन्मात्रा वृत्तिः प्रज्ञेति कथ्यते" इति वक्ष्यमाणत्वात्।

4सास्यास्तीति प्रज्ञः स एव प्राज्ञः, तं ब्रह्मनिष्ठमित्यर्थः।

5तेन स्वस्य फलमाहुः यस्माद्गुरोः साक्षात्, बन्धविमोक्षणं बन्धस्य अज्ञान-कल्पितस्य अहंकारादिदेहान्तस्य विमोक्षणं विशेषेण परित्यागः इति।

6तादृशगुरूपसदने तदुपदेशजन्य-स्वयाथात्म्यज्ञानेन बन्धनिवृत्तिरूपमोक्ष-सिद्धयति इति भावः ॥३३॥

Śloka 32All ŚlokasŚloka 34