Verseश्लोकः

Expand all

1वाग्वैखरी शब्दझरी शास्त्रव्याख्यानकौशलम् ।

2वैदुष्यं विदुषांतद्वद्भुक्तये न तु मुक्तये ॥६०॥

Śloka 59All ŚlokasŚloka 61

Commentaryव्याख्या

Expand all

1वाग्वैखरी सरलपदवन्धविशिष्टा वाक्

2शब्दझरी निरर्गलनिर्गलन्ती वाक् वाक्प्रयोगचातुर्यं शब्दप्रवाहः ।

3शास्त्रव्याख्यानकौशलं शास्त्रस्य व्याख्यानं "पदच्छेदः पदार्थोक्तिः विग्रहो वाक्ययोजना, आक्षेपस्य समाधानं व्याख्यानं पञ्चलक्षणम्" इत्युक्तरीत्या शास्त्रार्थकथने कौशलं, प्रावीण्यम् ।

4एतादृशं विदुषां वैदुष्यमपि, तद्वत् वीणावादनादिवत् भुक्तये प्रतिष्ठा-संपादनादिद्वारा भवति । मुक्तये तु न भवति ।

5तत्र पूर्वोक्तसाक्षात्कार एव कारणम् इति भावः ॥६०॥

6केवलं शब्दश्रवणमात्रेण मनोरञ्जकविषये कथयित्वा अर्थतोऽपि ये मनो रञ्जयन्ति तेषामपि पूर्वोक्तज्ञानाभावे नैव मुक्तिरित्याह ।

7वाग्वैखरीति ।

Śloka 59All ŚlokasŚloka 61